e martë, 11 shkurt, 2025

Media bashkëfajtore!

Blog

“E rëndë; E tmerrshme; Tragjike; Filmoi viktimat pasi i vrau; Makina godet kalimtaren; Shoferja shtyp fëmijën; I riu u hodh nga ura; 17-vjeçarja ra nga ballkoni; Pasagjeri shkul shtyllën e sinjalistikës e godet përreth. Shokohen turistët…”

Kjo është pasqyra e pjesës dërrmuese të lajmeve online sot. Ushqimi për konsumatorët e lajmeve. Himn dhunës e të zezës në këto temperatura, dhe pastaj shqyejmë sytë pse ndodhin ngjarjet që s’kanë logjikë. Ama kanë jehonë dhe media i vendos bash në piedestal!

Bashkëfajtore!!!!

E pasi lexon gati 70% të lajmeve nga kjo kategori pararojë, hidhemi direkt e te një dasëm që qenka me rëndësi kombëtare. Çfarë veshën “VIP”-at e çfarë tha nusja. Si reagoi dhëndrri e ku fjeti “paria” e vendit me paga 150 mijë lekëshe të vjetra në muaj. Kush i ka lyer më bukur thonjtë e ku u bë poza më sensuale e silikon-vajtësve.

Mes këtyre ngjarjeve, asgjë. Shqipëria paska vetëm kronikë të zezë e kronikë rozë me pullë të kuqe. Nga vrasjet e deri tek “VIP”-at, nuk paska jetë. Asgjë mes këtyre ekstremeve.

Lajme për shkolla verore, histori personale, shembuj frymëzues, normalitet? Këto kërkojnë përgjegjësi. Si fillim nuk sjellin klikime, por ama shpëtojnë mendje e jetë.

Media bashkëfajtore!

Lexoni libra, pushues të dashur, jo media! Shpëtoni veten. Mos klikoni zinë, që media të mos thojë më “Këto lajme duan shqiptatët, këto u japim”.

Lexoni libra, jo portale! Shpëtoni veten dhe të tjerët rreth jush.

Botoni me përgjegjësi, media të dashura. Mos u bëni palë në shfazimin e Shqipërisë!

Copyright Të gjitha të drejtat e artikujve të publikuar janë të rezervuara dhe i përkasin © MediaLook. Ju mund të përdorini,publikoni ose përktheni artikullin me kushtin që ju të atribuoni dukshëm burimin, të kryeni lidhje hiperlink me faqen dhe mos ta përdorni atë për qëllime komerciale.

Të ngjashme

author-img_1

Rreth Nesh

MediaLook është një portal që ofron artikuj hulumtues, investigime, analiza të thelluara dhe opinione që hedhin dritë mbi propagandën, dezinformimin, keq menaxhimin, korrupsionin dhe mungesën e transparencës të institucioneve në pushtetin gjyqsor, legjislativ, ekzekutiv e mediatik, si dhe agjencive të pavarura publike e private. Kjo faqe i kushton një hapësirë të veçantë zhvillimit të teknologjisë e platformave online dhe ndikimit të tyre në industrinë e medias tradicionale, formave të reja të produksioneve mediatike, raportimit multimedial dhe konvergimit mediatik.